Gəncə Filarmoniyasında Xalq artisti bəstəkar Süleyman Ələsgərova həsr olunmuş tədbir keçirilib. Bu haqda 17 aprel tarixində Apa-ya istinadən xəbər veririk.
Konsertdə Mingəçevir şəhər musiqi məktəblərinin kollektivlərindən ibarət “Xarıbülbül” xalq çalğı alətləri ansamblının müşayiəti ilə “Daimi hərəkət”, “Vətənimdir”, “Gözəl Şuşa”, "Ulduz" kinofilmindən “Qədirin mahnısı”, “Anacan”, “Küsmərəm”, Yevlax şəhər Mədəniyyət Mərkəzinin və musiqi məktəblərinin kollektivlərindən ibarət “Aran xalq çalğı alətləri ansamblı”nın müşayiəti ilə “Rəqs-tokkata”, "Vağzalı çalınır”, “Bilsəm sən gəlirsən”, “Bahar”, “Ağdamım mənim”, “Qəmərim”, “Ulduz” kinofilmindən “Mövsümlə Nazilənin dueti” səsləndirilib.
Bəstəkarın 100 illiyinə həsr olunmuş "Xalqın mədəni sərvəti" layihəsinin ikinci günündə Ağdaş Heydər Əliyev Mərkəzində bəstəkarın əsərlərindən ibarət konsert baş tutub. Tədbir Mərkəzi Aran Regional Mədəniyyət İdarəsinin təşkilatçılığı ilə keçirilib.
