Gəncədə növbəti aksiya baş tutub. Bu haqda 1 mart tarixində 1 nömrəli Uşaq-Gənclər İdman-Şahmat məktəbinə istinadən məlumat veririk.
Tədbir Gəncə-Daşkəsən Regional Gənclər və İdman İdarəsinin təşkilatçılığı ilə keçirilib. Heydər Əliyev Park-Kompleksində təşkil olunan ağacəkmə aksiyası 5 Mart - Bədən Tərbiyəsi və İdman Gününə həsr olunub. Burada iştirakçılar 100-ə yaxın Eldar şamı və sərv ağacları əkiblər.
Aksiyanın keçirilməsində məqsəd, ölkədə ekologiyanın qorunması və ətraf mühitin sağlamlaşdırılmasıdır. Yaşıllaşdırma tədbiri ilə gənclər arasında ekoloji mədəniyyət və təbiətə qayğı hissi təbliğ olunub.
