Gəncədə məktəblərin birində yarış təşkil olunub. Bu haqda Gencexeber.az-a 25 dekabr tarixində məlumat daxil olub.
Sərbəst güləş üzrə kiçikyaşlılar arasında 2 nömrəli Uşaq-Gənclər İdman-Şahmat Məktəbinin daxili birinciliyi keçirilib. Müsabiqə Nəriman Nərimanov adına 25 nömrəli tam orta məktəbdə baş tutub. Tədbirin əvvəlində şəhidlərin əziz xatirəsi bir dəqiqəlik sükutla yad edilib.
Birincilikdə 80-dək kiçik yaşlı idmançılar mübarizə aparıblar. Yarış 31 Dekabr - Dünya Azərbaycanlılarının Həmrəylik Gününə həsr olunub. Tədbirin sonunda qalib idmançılar müvafiq diplom və medallarla təltif ediliblər.
