Gəncənin aztəminatlı sakinlərinə sovqat paylanılıb. Bu haqda 5 aprel tarixində Kəpəz televiziyasına istinadən xəbər veririk.
Türk Əməkdaşlıq və Koordinasiya Agentliyi tərəfindən tənha yaşayan, aztəminatlı və ehtiyacı olan ailələrə yardım edilib. Ramazan ayı münasibətilə təşkil edilən aksiya Türkiyənin Gəncədəki Baş Konsulluğunda baş tutub. Bağlamalar müxtəlif ərzaq məhsullarından ibarət olub və gün ərzində müvafiq ünvanlara çatdırılıb. Həmçinin ətraf rayonlarda yaşayan 500-ə yaxın aztəminatlı ailəyə sovqat paylanılacaq.
“Sözügedən aksiyanı gələcəkdə də həyata keçirməyi düşünürük”,- deyə Türkiyənin Gəncədəki Baş konsulu Recep Öztop bildirib.
Qeyd edək ki, cari ildə Agentlik tərəfindən Azərbaycanda 1800 aztəminatlı ailəyə yardım verilib.
