Gəncədə növbəti seminarlar keçiriləcək. Bu haqda 11 mart tarixində ADAU-ya istinadən xəbər veririk.
Azərbaycan Dövlət Aqrar Universitetində Ege Universitetindən dəvət olunan professor-müəllim heyəti tərəfindən fakültələrdə seminarlar baş tutacaq. İkili diplom proqramı çərçivəsində keçiriləcək təlimlər təhsilin keyfiyyətini təkmilləşdirmə fəaliyyəti üzrə təşkil olunacaq.
Təlimlər 12 mart tarixində saat 15:00-da professor doktor Hatice Özaktan tərəfindən “Bitki sağlığında bakteriyofajların kullanımı konusunda yeni gelişmeler” və yarım saat sonra Ahmet Hatipoğlu tərəfindən “Alternatif protein kaynağı "Asker sineği" ve kullanım alanları” mövzularında olacaq. Tədbirlər ADAU-nun Yeni tədris binasındakı 451-ci otaqda baş tutacaq.
