Gəncədə universitetlərdən birinin paylaşdığı şəkillər müzakirələrə səbəb olub. Bu haqda 8 aprel tarixində Qafqazinfo-ya istinadən məlumat veririk.
Azərbaycan Dövlət Aqrar Universitetinin tələbə evlərində “Ayın ən təmiz otağı” layihəsi keçirilib. Bununla bağlı təhsil ocağının sosial şəbəkə hesablarında paylaşım edilib.
“Ayın ən təmiz otağı”na ADAU Tələbə Həmkarlar İittifaqı Komitəsinin təyin etdiyi komissiya üzvlərinin ayaqqabı ilə daxil olması izləyicilər tərəfindən birmənalı qarşılanmayıb. Sosial şəbəkə istifadəçilərinin bir çoxu bunun düzgün olmadığını bildirib, bəziləri isə baxil geyinilməsinin vacibliyini qeyd ediblər.
Qeyd edək ki, layihə çərçivəsində qalib 2 saylı Tələbə evinin 215 nömrəli otağının sakinləri - I kurs tələbələri Canpolad Əliyev və Tacir İsbatov seçiliblər. Onlar pul mükafatına layiq görülüblər.
