Gəncədə sakinlər binalarında yaşanan antisanitariyadan narahatdırlar. Bu haqda 31 yanvar tarixində Kəpəz televiziyasına istinadən xəbər veririk.
Söhbət Aydınbəyov küçəsindəлш 57, 58 və 59 saylı binalardan gedir. Sakinlərin sözlərinə görə, adıçəkilən tikililərin zirzəmisinə kanalizasiya suları dolub. Nəticədə binalarda üfunət, gəmiricilər və həşəratlar əmələ gəlib. 59-cu binanın birinci mərtəbəsində 30 saylı körpələr evi-uşaq bağçası yerləşir. Bağça əməkdaşları belə bir vəziyyətdə təlim-tərbiyə ilə məşğul olmağın mümkünsüz olduğunu bildiriblər.
“İydən nəfəs almaq olmur, ayna-qapını açmaq mümkün deyil. Bina natəmiz vəziyyətdədir. Xahiş edirik, baxsınlar bu məsələyə”, – deyə məhəllə sakinləri əlavə ediblər.
Məsələ ilə bağlı “Gəncə Su Kanal” Törəmə Səhmdar Cəmiyyətinin işçiləri əraziyə cəlb olunublar. Qurumun əməkdaşları sakinlərlə görüşüb, yaşanan vəziyyətin tez bir zamanda həll olunacağına söz veriblər.
[modula id="54093"]
