Gəncədə bir neçə yolun təmirə ehtiyacı var. Bu haqda Gencexeber.az-a 24 fevral tarixində məlumat daxil olub.
Söhbət Şota Rustaveli, Ruzigar Qasımov, Həsən Əliyev, Molla Pənah Vaqif küçələri və Sidqi Ruhulla küçəsi ilə Heydər Əliyev prospektinin kəsişmələrindən gedir. Adıçəkilən ərazilərdə avtomobil yolunun bir hissəsində çöküntü əmələ gəlib.
Sürücülər bildirirlər ki, yolun çökməsi nəqliyyat vasitələrinin hərəkətinə maneə törədir.
Ruzigar Qasımov küçəsində piyada səkisində asfalt örtüyü çöküb, üstəlik yol da ensizdir. Bu səbəbdən piyadaların hərəkətində çətinlik yaranıb. Uşaq və əlil arabalarının hərəkət etməsi mümkün deyil.
[modula id="55375"]
