Gəncədə autizmlə bağlı tədbir keçirilib. Bu haqda 13 sentyabr tarixində Birləşmiş Xəstəxanaya istinadən məlumat veririk.
“Autizm və oxşar inkişaf geriliyi olan uşaqlarda erkən diaqnostika” adlı təlim “Sağlam” İctimai Birliyinin təşkilatçılığı, Heydər Əliyev Fondunun maliyyə dəstəyi və “AzərGold”un təsisçiliyi ilə təşkil olunub. Tədbirdə Gəncə şəhər Birləşmiş Xəstəxanasının (ŞBX) tabeliyindəki Ailə Sağlamlıq Mərkəzlərində çalışan və ətraf rayonlardan dəvət edilmiş ixtisaslı həkim-nevroloq, ailə həkimi-pediatr, psixiatr və psixoloqlar iştirak ediblər.
Burada Gəncə ŞBX-nin direktoru İlkin İsmayılov, Türkiyədən dəvət olunmuş professor Nahit Motavelli, Autizm Mərkəzinin rəhbəri Aytən Eynalova, Gəncə ŞBX-nin İlkin Səhiyyə Xidmətinin rəhbəri Xalidə Sadıqovanın çıxışları olub. Tədbirdə ailə həkimi-pediatrların autizm xəstəliyinin erkən aşkarlanmasında böyük rolunun olduğu qeyd edilib. Həmçinin yeni patronaj modelinin tətbiqinin autizmin erkən aşkarlanmasında olan əhəmiyyətindən danışılıb.
