Gəncədə tanışlıq günü keçirilib. Bu haqda 14 sentyabr tarixində ATU-ya istinadən məlumat veririk.
Tədbir Azərbaycan Texnologiya Universitetinin müvafiq fakültə və korpuslarında baş tutub. Dekanlar, dekan müavinləri yeni tələbələrə tədris prosesi, daxili qaydalar, müəllim heyəti, paraktiki və nəzəri dərslər, laboratoriyalardan istifadə, qiymətləndirmə və imtahanlar, akademik məsləhətçilər barədə ətraflı məlumat veriblər.
Auditoriya və laboratoriyalar, İnnovasiya Mərkəzi, kitabxana və oxu zalları, idman klubu ilə tanış olan tələbələrə universitetin yaratdığı fürsətlərdən maksimum yararlanmaq tövsiyə edilib.
Qeyd edək ki, 2023-2024-cü tədris ilində ATU-nun bakalavr pilləsinə 1051 nəfər tələbə qəbul olub.
