Gəncədə “Yaşıl dünya naminə həmrəylik ili” çərçivəsində toplantı olub. Bu haqda 5 aprel tarixində ATU-ya istinadən xəbər veririk.
“Biomüxtəliflik və iqlim dəyişmələri” mövzusunda elmi-praktik tələbə seminarı təşkil edilib. Tədbir Azərbaycan Texnologiya Universiteti Tələbə Elmi Cəmiyyəti və Göygöl Milli Parkının birgə təşkilatçılığı ilə baş tutub. Göygöl Milli Parkında baş tutan seminarda Ətraf mühitin mühafizəsi kafedrasının professor-müəllim heyəti, müvafiq ixtisaslarda təhsil alan tələbələr iştirak ediblər.
Daha sonra gələcəyin mühəndis-ekoloqlarının təqdimatında "Turşulu yağışlar", "Qlobal iqlim dəyişmələrinin Azərbaycanda kənd təsərrüfatına təsiri", "Nüvə reaksiyası və onun ətraf mühitə təsiri, Atmosfer havasına təhlükə yaradan mobil mənbələr" başlıqlı məruzələr dinlənilib.
