Gəncədəki universitetlərin birinin kafedra müdiri səfərdə olub. Bu haqda 19 dekabr tarixində Azərbaycan Texnologiya Universitetinə istinadən xəbər veririk.
Azərbaycan Texnologiya Universitetinin Ətraf mühitin mühafizəsi kafedrasının müdiri professor Elşad Məmmədov İtaliyanın Boloniya Universitetinə səfər edib. Layihə “Azərbaycan universitetlərində yaşıl və dayanıqlı qlobal iqtisadiyyatın təkmilləşdirilməsi: Bərpa olunan enerji və iqlim dəyişikliklərinin azaldılması (Refresh)” layihəsi çərçivəsində keçirilib.
Səfərin məqsədi yaşıl və dayanıqlı iqtisadiyyatın inkişafında UNIBO təcrübələrini öyrənməkdir. Burada UNIBO-nun Sənaye mühəndisliyi kafedrasının professor-müəllim heyətinin seminarı təşkil olunub. Onlar yaşıl və dayanıqlı enerjinin inkişafı ilə bağlı fəaliyyətlərini, iqlim dəyişikliyinin təsirinin azaldılmasına dair təşəbbüslərini bölüşüblər.
