Gəncədə universitetlərin birində məlumatlandırma sessiyası keçirilib. Bu haqda 15 dekabr tarixində Azərbaycan Texnologiya Universitetinə istinadən xəbər veririk.
Azərbaycan Texnologiya Universitetində Elm və Təhsil Nazirliyi nəzdində fəaliyyət göstərən Dövlət Proqramı İdarəetmə Qrupu tərəfindən “2022 - 2026 Dövlət Proqramı”na dair məlumatlandırma sessiyası baş tutub. Burada Dövlət Proqramı İdarəetmə Qrupunun əməkdaşları çıxış ediblər. Onlar magistratura səviyyəsi üzrə yer alan ölkələr, ixtisas istiqamətləri, seçim mərhələləri, tələb olunan sənədlər, kvota və əlavə edilən son yeniliklər barədə məlumat veriblər. Daha sonra tələbələri maraqlandıran suallar cavablandırılıb.
Sessiyada Azərbaycan Texnologiya Universitetinin tədris işləri üzrə prorektoru Raqif Hüseynov, Dövlət Proqramı İdarəetmə Qrupunun əməkdaşları Aygül İsmayılova, Nuray Əşrəfli, Regional Təhsil İdarəsinin nümayəndəsi Pərviz Rəcəbov və universitetin sonuncu kurs tələbələri iştirak ediblər.
