Gəncədə təhsil ocaqlarının birində əməkdaşlar üçün iftar süfrəsi açılıb. Bu haqda 8 aprel tarixində ATU-ya istinadən xəbər veririk.
Azərbaycan Texnologiya Universitetinin əməkdaşları üçün iftar süfrəsi təşkil olunub. Burada dualar edilib, Ramazan ayının fəzilətləri barədə söhbətlər açılıb.
Mərasimdə universitetin rektor vəzifəsini müvəqqəti icra edən dosent Yaşar Ömərov kollektivi qarşıdan gələn Ramazan bayramı münasibətilə təbrik edib. Həmkarlar İttifaqı Komitəsinin xətti ilə baş tutan tədbirdə İdarəetmə kafedrasının müdiri prof. Füzuli Məmmədov və Qafqaz Müsəlmanları İdarəsinin Qərb regionu üzrə nümayəndəsi Hacı Tahir də çıxış ediblər. Hacı Tahir çıxışında Ramazanın cəmiyyətimizdə milli-mənəvi həmrəyliyin, humanizmin, şəfqət və mərhəmət duyğularının təntənəsini nümayiş etdirdiyini dilə gətirib.
