Gəncənin ali təhsil ocağında iclas keçirilib. Bu haqda 27 mart tarixində ATU-ya istinadən xəbər veririk.
Azərbaycan Texnologiya Universitetində Elmi Şuranın növbəti iclası baş tutub. Burada rektor vəzifəsini müvəqqəti icra edən Elmi Şura sədri dosent Yaşar Ömərov kvorumu nəzərə alaraq, iclası açıq elan edib. O, gündəlikdə duran məsələləri diqqətə çatdırıb.
İclas çərçivəsində Avtomatika, Telekommunikasiya və İnformatika fakültəsinin dekanı Rövşən Hacıyev, Qida mühəndisliyi və ekspertiza kafedrasının əməkdaşları Müşfiq Xəlilov və Simuzər Fərəcova yubileyləri münasibətilə təltif ediliblər.
Toplantıda Elmi Tədqiqat Mərkəzinin direktoru Qalibə Məmmədova, İqtisadiyyat kafedrasının müdiri Məmməd Urkayev, Mühasibat uçotu və iqtisadi təhlil şöbəsinin müdiri İradə Zeynalabdinzadə, tədris işləri üzrə prorektor, Tədris Metodiki Şuranın sədri Raqif Hüseynov və magistratura və doktorantura şöbəsinin müdiri Ulduz Babayeva çıxış ediblər.
