Gəncədə universitetlərin birində elmi seminar təşkil olunub. Bu haqda 20 fevral tarixində Azərbaycan Texnologiya Universitetinə istinadən xəbər veririk.
Azərbaycan Texnologiya Universitetində Almaniyadan dəvət olunan professor tərəfindən elmi seminar keçirilib. Seminar Almaniyanın Trier Tətbiqi Elmlər Universitetinin Magistratura şöbəsinin müdiri prof. dr. Patrick Siegfried tərəfindən aparılıb.
“Startap şirkətlərində xidmət mühəndisliyi” mövzusuna həsr edilmiş tədbirdə professor-müəllim heyəti, magistr və doktorantlar iştirak ediblər. Burada alman professorla müvafiq sahənin aktual məsələləri müzakirə edilib.
