Türkiyə universitetinin nümayəndələri Gəncəyə gəliblər. Bu haqda 28 fevral tarixində ATU-ya istinadən məlumat veririk.
Türkiyənin Atatürk Universitetinin nümayəndələri Azərbaycan Texnologiya Universitetində (ATU) səfərdə olublar. Ziyarət Erasmus+ proqramı çərçivəsində baş tutub. Səfər 4 gün davam edib.
Öncə qonaqlar ATU-nun tədris işləri üzrə prorektoru Raqif Hüseynov, Xarici dillər kafedrasının müdiri İlhamə Rəhimova və Beynəlxalq əməkdaşlıq şöbəsinin əməkdaşları ilə görüşüblər. Burada mövcud əməkdaşlığın genişləndirilməsi, ikili diplom proqramlarının tətbiqi, mübadilə sayının artırılması, hər iki ölkənin təhsil sistemi və mədəniyyəti ilə bağlı geniş müzakirələr aparılıb, təklif və tövsiyələr dinlənilib.
Daha sonra nümayəndə heyətinin proqrama uyğun olaraq, həftə ərzində 8 saat olmaqla universitetin Xarici Dillər kafedrasında ingilis dili üzrə dərsləri təşkil olunub. Seminarlarda qonaqların mühazirələri dinlənilib, tələbələrlə geniş fikir mübadiləsi aparılıb.
