Gəncədə musiqi gecəsi baş tutacaq. Bu haqda 7 fevral tarixində Gəncə Dövlət Filarmoniyasına istinadən xəbər veririk.
Şəhərimizdə ilk dəfə "Musiqi kimliyimiz" layihəsi baş tutacaq. Bu layihə çərçivəsində çoxəsrlik keçmişə malik aşıq sənətinə, dastanlara həsr olunmuş gecələr keçiriləcək.
Ədəbi-bədii gecə 2 mart tarixində saat 19:00-da Gəncə Dövlət Filarmoniyasında olacaq. Tədbir Azərbaycan aşıq sənətinin görkəmli nümayəndəsi, qüdrətli saz-söz ustadı Aşıq Ələsgərin əziz xatirəsinə həsr olunacaq. Burada məqsəd milli dəyərləri gənc nəslə çatdırmaq, geniş kütləyə təqdim etməkdir.
Qeyd edək ki, ilk gecə Azərbaycan Aşıqlar Birliyi ilə birgə baş tutacaq.
Biletlər 10 manatdan 30 manatadəkdir. Tədbirə biletləri Gəncə Dövlət Filarmoniyasından və iticket.az saytından əldə etmək olar.
