Gəncədə Aqrar Fəaliyyətli Azərbaycan Qadınları layihəsi çərçivəsində tələbələrə dəstək davam edir. Bu haqda 12 aprel tarixində ADAU-ya isinadən xəbər veririk.
Azərbaycan Dövlət Aqrar Universiteti ilə birgə əməkdaşlıq çərçivəsində magistratura dərəcəsi üzrə təhsil alan tələbələrə şəxsi bizneslərinin yaradılması üçün dəstək verilib. 9 tələbəyə ting və şitil yetişdirmə üzrə dəstək göstərilib. Tingçilik istiqaməti üzrə 6 nəfərə ümumilikdə 3000 ədəd qızılgül, 1500 ədəd “Təbrizi”, “Bayanşirə”, “Red qlob” üzüm tingləri verilib. Şitilçilik sahəsi üzrə isə 3 nəfərə istixanada yetişdirilməsi üçün 420 ədəd xiyar şitili təqdim olunub.
Bu günədək 330 təsərrüfatın qiymətləndirilməsi aparılıb, tələblərə cavab verən 473 fermerə təlimlər keçirilib. Ümumilikdə 20 region üzrə 236 qadına müvafiq avadanlıqlar və aktivlərlə dəstək göstərilib.
