Gəncə şəhər Mərkəzləşdirilmiş Kitabxana Sisteminin Mərkəzi Kitabxanasının Uşaq şöbəsində anım günü keçirilib. Bu haqda 5 aprel tarixində Mərkəzləşdirilmiş Kitabxana Sisteminə istinadən xəbər veririk.
Tədbir Aprel döyüşlərinin 8-ci ildönümü ilə əlaqədar olaraq, “Aprel döyüşləri - ruhumuzun qələbəsidir” başlığı altında baş tutub. İlk öncə Azərbaycanın ərazi bütövlüyü uğrunda canından keçmiş şəhidlərin xatirəsi bir dəqiqəlik sükutla yad edilib.
Anım günündə qeyd olundu ki, Aprel döyüşləri Azərbaycan dövlətinin, dövlətçiliyinin dönməzliyinin, Azərbaycan əsgərinin gücünün ifadəsi kimi tarixləşib.
Daha sonra 26 nömrəli fizika-riyaziyyat və informatika təmayüllü məktəbin şagirdləri şeir və kompozisiya ilə çıxış etdilər.
