Gəncə Gənclər Evində film nümayiş olunub. Bu haqda 6 aprel tarixində Gənclər Evinə istinadən xəbər veririk.
2016-cı ilin Aprel döyüşlərinin 8-ci ildönümü münasibətilə Gənclər Evində tədbir keçirilib. “Aprel döyüşləri tariximizin şanlı səhifəsidir!” adlı toplantı gənclər tərəfindən təşkil olunub. Əvvəlcə respublikamızın ərazi bütövlüyü uğrunda canından keçən Vətən övladlarının xatirəsi bir dəqiqəlik sükutla yad edilib. Daha sonra Aprel döyüşləri haqqında qısa məlumat verilərək film təqdim olunub.
Tədbir Regional Gənclər və İdman İdarəsinin, Gəncə Gənclər Evi, Gənclərin İnkişaf və Karyera Mərkəzinin Gəncə-Daşkəsən regional nümayəndəliyinin birgə təşkilatçılığı ilə baş tutub.
