Gəncədə Azərbaycan Texnologiya Universiteti və Vətən müharibəsi Əlillərinə Kömək İctimai Birliyinin birgə təşkilatçılığı ilə tədbir keçirilib. Bu haqda 2 aprel tarixində Azərbaycan Texnologiya Universitetinə istinadən xəbər veririk.
Aprel döyüşlərinə həsr edilmiş tədbir təşkil olunub. Burada Azərbaycan Texnologiya Universitetinin sosial məsələlər və ictimaiyyətlə əlaqələr üzrə prorektoru Şahmar Həsənov, şəhid ailələri, qazilər, professor-müəllim heyəti və tələbələr iştirak ediblər.
Tədbirdə şəhid ailələri və qazilərin çıxışları, xatirələri dinlənilib. Şəhidlərin döyüş meydanında göstərdikləri qəhrəmanlıqlardan, onların keçdiyi şərəfli yoldan bəhs edilib. Daha sonra Aprel döyüşlərinə həsr edilmiş videoçarx izlənilib, fəallığı ilə seçilən bir qrup tələbələr təltif edilib.
