Gəncədə avtomobil qəzası baş verib. Bu haqda Gencexeber.az-a 18 dekabr tarixində məlumat daxil olub.
Hadisə şəhərin Üzeyir Hacıbəyov, Zülfi Hacıyev və Zaur İsmayılov küçələrinin kəsişməsindəki dairədə (Sovxoz Nizami adlanan ərazidə) qeydə alınıb. Üzeyir Hacıbəyov küçəsi ilə hərəkət edən “VAZ 2106” markalı minik avtomobilinin qarşısına anidən sərnişin avtobusu çıxıb.
Bu səbəbdən maşının sürücüsü əyləci basıb. Nəticədə arxadan gələn yük avtomobili “VAZ 2106”ya çarpılıb.
Qəza zamanı xəsarət alan olmayıb. Şahidlərin sözlərinə görə, minik avtomobilinin baqaj hissəsi əzilib.
Hadisə yerinə polis əməkdaşları cəlb ediliblər.
