Gəncədə Beynəlxalq Ana Dili Günü ilə əlaqədar tədbir baş tutub. Bu haqda 21 fevral tarixində 7 saylı Kitabxanaya istinadən xəbər veririk.
7 nömrəli Kitabxanada "Ana dilim,səndədir xalqın əqli hikməti" başlıqlı şeir saatı keçirilib. Tədbirin məqsədi iştirakçılarımızı ana dilimizin tarixi və bu günü haqqında məlumatlandırmaqdır. Burada kitabxananın müdiri Natella Hacıyeva tədbirin əhəmiyyəti haqqında danışıb.
Şeir saatında tədbirin aparıcısı Vüsalə Mustafayeva bu günün yaradılma tarixi haqqında məlumat verib. O bildirib ki, 1999-cu ilin noyabrından Banqladeş səfirinin təşəbbüsü ilə 21 Fevral - Beynəlxalq Ana Dili Günü elan edilib.
Daha sonra şagirdlər dilimizə, Vətənə həsr olunmuş şeirlər, bayatılar və hikmətli sözlər səsləndiriblər. Tədbirin sonunda iştirakçılar kitabxananın əməkdaşları tərəfindən hazırlanmış "Ana dilim - ulu dilim" adlı sərgi ilə tanış olublar.
