Gəncədə elmi tədbir keçirilib. Bu haqda 20 yanvar tarixində Azərtac-a istinadən xəbər veririk.
AMEA-nın Gəncə Bölməsi ötən ildəki fəaliyyətinə dair hesabat verib. Burada sədr akademik Fuad Əliyev çıxış edib. O, bölmənin elmi müəssisələrində Rəyasət Heyəti tərəfindən 12 problemi əhatə edən 17 mövzu, 19 iş, 14 mərhələ üzrə tədqiqatların aparıldığını, 1 mövzu, 12 iş və 14 mərhələnin tamamlandığını və 3 mühüm nəticənin alındığını söyləyib.
O əlavə edib ki, akademik tədqiqatlar Nizami Gəncəvinin həyat və yaradıcılığının tədqiqi, Azərbaycan dilinin inkişaf tarixi, Azərbaycan ədəbiyyatı tarixi və onun inkişaf mərhələləri, həmçinin digər istiqamətlərdə aparılır.
