Gəncədə “Elm Günü”nə həsr olunan konfrans keçirilib. Bu haqda 28 mart tarixində Kəpəz televiziyasına istinadən xəbər veririk.
Azərbaycan Milli Elmlər Akademiyasının Gəncə Bölməsi tərəfindən konfrans baş tutub. Burada şəhərimizin tarixən köklü elmi ənənələrə malik olduğu xatırladılıb. Alimlərin müstəqilliyin möhkəmləndirilməsinə və cəmiyyətin inkişafına böyük töhfələr verdiyi qeyd edilib.
Gəncə və bölgədəki tədqiqatların istiqamətləri haqda danışılıb. Həmçinin elmi tədqiqat ocaqlarının maddi-texniki bazasının yaxşılaşdırılması məsələsinin vacibliyinə toxunulub. Sonda elmi və təşkilati fəaliyyəti ilə fərqlənən əməkdaşlara Elm Günü münasibətilə Fəxri Fərman və təşəkkürnamələr təqdim edilib.
