Gəncədə bir sıra elm işçisi təltif olunub. Bu haqda 10 dekabr tarixində AMEA Gəncə bölməsinə istinadən məlumat veririk.
Tədbir Azərbaycan Milli Elmlər Akademiyasının Gəncə bölməsində baş tutub. Burada bölmənin sədri ak. Fuad Əliyev əməkdaşlara ötən ildə fəaliyyətləri ilə verdikləri töhfələrə görə təşəkkür edib. Daha sonra o, AMEA Gəncə bölməsinin sədr müavini Sara Əzizova, Nizami Gəncəvi Mərkəzinin direktoru Əlimuxtar Muxtarov, şöbə müdiri Təranə Verdiyeva, ictimaiyyətlə əlaqələr şöbəsinin aparıcı mütəxəssisi Rövşən Hüseynov, şöbənin müdiri Zakir Muradov, bolmənin İnformasiya Texnologiyaları şöbəsinin baş mütəxəssisi Nazilə Mirzəyeva, elmi katibi Elnur Həsənova AMEA-nın prezidenti İsa Həbibbəyli tərəfindən imzalanmış Təşəkkürnamələri təqdim edib.
Sonda Fuad Əliyevə Nizami Gəncəvi adına Milli Azərbaycan Ədəbiyyatı muzeyinin baş direktoru ak. Rafael Hüseynovun ulu öndərə həsr etdiyi “İkinci olmayacaq” adlı kitabı müəllifin avtoqrafı ilə bağışlanıb.
