AMEA Gəncə Bölməsinin əməkdaşları mükafatlandırılıblar. Bu haqda 9 fevral tarixində AMEA Gəncə Bölməsinə istinadən xəbər veririk.
İclasda akademik Fuad Əliyev bildirib ki, AMEA Gəncə Bölməsinin gənc alimi, Humanitar Tədqiqatlar İnstitutunun kiçik elmi işçisi Vüqar Əhmədli 2 fevral – Gənclər Günü münasibətilə Azərbaycan Milli Elmlər Akademiyasının prezidenti, akademik İsa Həbibbəyli tərəfindən "İlin gənc alimi" mükafatına layiq görülüb.
Daha sonra Nizami Gəncəvi Mərkəzinin kiçik elmi işçisi Xəyalə Hüseynova və Elektron xidmətlər şöbəsinin aparıcı mütəxəssisi Əhməd Aslanov tədqiqat işləri və ictimai həyatda fəal mövqelərinə görə Fəxri Fərmanla təltif olunublar. Toplantıda, həmçinin sədr Fuad Əliyev doğum günü münasibətilə kollektiv adından təbrik edilib.
