AMEA Gəncə Bölməsinin əməkdaşı beynəlxalq təlimdə iştirak edib. Bu haqda 23 yanvar tarixində Milli Elmlər Akademiyasi Gəncə Bölməsinə istinadən xəbər veririk.
Qurumun Beynəlxalq Əlaqələr Şöbəsinin müdiri tədqiqatçı Simuzər Qafarlı “British Council”un ölkəmizdə ilk dəfə təşkil etdiyi “Researcher Connect Online” proqramını uğurla başa vurub. Şöbə müdirini və digər iştirakçıları Böyük Britaniyanın Azərbaycandakı səfiri cənab Ferqus Auld sertifikatla təltif edib.
Adıçəkilən proqram müxtəlif ölkələrdə tədqiqatçıların onlayn əlaqələndirilməsinə, tədqiqatçılar arasında əməkdaşlığı gücləndirmək və onların fikir mübadiləsini asanlaşdırmağına xidmət edir. Həmçinin effektiv tədqiqatların aparılması və əsaslı elmi məqalələrin tərtib edilməsi üzrə təlimatları özündə birləşdirir. Tədbirdə “British Council”un Azərbaycandakı direktoru Nərgiz Hacıyeva da iştirak edib.
