AMEA Gəncə Bölməsinin iki əməkdaşı gənc tədqiqatçıların imkanlarının yüksəldilməsinə dair kurslarda iştirak edib. Bu haqda 18 aprel tarixində AMEA Gəncə Bölməsinə istinadən xəbər veririk.
“Azərbaycanda Tədqiqat Mədəniyyətinin Artırılması” adlı proqram təşkil olunub. Burada AMEA Gəncə Bölməsinin təmsilçiləri – Nizami Gəncəvi Mərkəzinin elmi işçisi Aynurə Əmiraslanova və Beynəlxalq Əlaqələr şöbəsinin müdiri Simuzər Qafarlı uğurla iştirak ediblər.
5 aylıq proqram "Sosial tədqiqat metodları", "Akademik yazı" və "Statistik analiz" kimi tədqiqat yönümlü dərslərdən ibarətdir. Burada məqsəd Sosial və humanitar elmlər üzrə magistr tələbələrin, müstəqil tədqiqatçıların və gənc müəllimlərin potensialını gücləndirməkdir. Kursun yekununda proqramı müvəffəqiyyətlə bitirən iştirakçılara sertifikatlar təqdim olunub.
