Gəncədə iclas keçirilib. Bu haqda 24 yanvar tarixində AMEA Gəncə Bölməsinə istinadən xəbər veririk.
AMEA Gəncə Bölməsinin Elmi şurasının növbəti iclası olub. Sədr akademik Fuad Əliyev bu ilin “Yaşıl dünya naminə həmrəylik ili” elan edilməsindən və bu yöndə çalışan alim və tədqiqatçıların üzərinə düşən vəzifələrdən danışıb. Müvafiq institutların rəhbər və əməkdaşları ilə bu mövzularda müzakirələr aparılıb.
Daha sonra sədr tətbiqi sənət, xalq sənətkarlığının öyrənilməsi və bölmədə bu mövzuları əhatə edən kitab hazırlanması zərurətindən söz açıb. Bu haqda sənətşünas professor Sevda Qurbanəliyeva öz mülahizələrini bildirib. Kitabın materiallarının toplanması üçün işçi qrupun yaradılacağı vurğulanıb.
Burada, həmçinin bölmənin beynəlxalq əlaqələrinin genişləndirilməsi və digər cari məsələlərdən də danışılıb.
