AMEA Gəncə Bölməsində toplantı baş tutub. Bu haqda 22 fevral tarixində AMEA Gəncə Bölməsinə istinadən xəbər veririk.
“Doktorant və dissertantlar üçün ixtisas fənnindən ictimai əsaslarla mühazirələrin təşkil edilməsi” haqqında qərarın müddəalarına uyğun olaraq, mühazirə keçirilib. Burada kimya üzrə fəlsəfə doktoru Sara Əzizova və Nizami Gəncəvi Mərkəzinin direktoru, filologiya üzrə fəlsəfə doktoru Əlimuxtar Muxtarov çıxış ediblər.
Tədbirdə dissertantlar üçün “Nizami Gəncəvi irsi – Ulu Öndər Heydər Əliyevdən Prezident İlham Əliyevədək” mövzusunda mühazirə söylənilib. Mühazirədə səslənən məsələlər ətrafında fikir mübadiləsi aparılıb. Həmçinin mühazirələrin təşkilində məqsədin dissertantların hazırlıq səviyyəsinin yüksəldilməsi olduğu bir daha vurğulanıb.
