AMEA Gəncə Bölməsində toplantı təşkil olunub. Bu haqda 8 fevral tarixində AMEA Gəncə Bölməsinə istinadən xəbər veririk.
AMEA Gəncə Bölməsində institutların planları və cari məsələlər müzakirə edilib. Burada Elm və Təhsil Nazirliyinin tabeliyində olan Ekologiya və Təbii Ehtiyatlar İnstitutunun, Bioresurslar İnstitutunun, Aqrar Problemlər İnstitutunun və Nəbatat Bağının illik iş planları və tədqiqat üzrə istiqamətləri müzakirə edilib.
Müşavirədə, həmçinin qarşıdakı aylar ərzində planlaşdırılan konfrans və dəyirmi masalar, akademik Həmid Araslının anadan olmasının 115 illiyi, 27 Mart - Elm Günü, Xocalı soyqırımının 32-ci ildönümü, Naxçıvan Muxtar Respublikasının yaradılmasının 100 illiyi və digər məsələlərlə bağlı nəzərdə tutulan tədbirlərə hazırlıqlar haqda müzakirələr aparılıb.
