Gəncədə abituriyentlər üçün mərkəz yaradılıb. Bu haqda 8 mart tarixində Kəpəz televiziyasına istinadən məlumat veririk.
Ali və orta ixtisas təhsili müəssisələrinə elektron ərizələrin sənəd qəbulu başlayıb. Bununla bağlı abituriyentlərə kömək məqsədilə Dövlət İmtahan Mərkəzinin Gəncə Regional Bölməsində komissiya yaradılıb. Qurum artıq fəaliyyətə başlayıb.
Sənəd qəbulu komissiyası həftəiçi - iş günləri universitet və kolleclərə sənəd verən abituriyentlərə xidmət edir. Burada elektron ərizələrin qeydiyyatı aparılır. Gün ərzində komissiyaya təxminən 50-yə yaxın abituriyent müraciət edir.
Qeyd edək ki, imtahanların birinci mərhələsində sənədlərin təsdiqlənməsinin son günü 15 martdır.
