Gəncədə gənclər üçün tədbir təşkil olunub. Bu haqda 1 mart tarixində Apa-ya istinadən məlumat veririk.
“AgriTech İdeathon” tədbiri İnnovasiya və Rəqəmsal İnkişaf Agentliyinin dəstəyi, “SUP VC” şirkətinin təşkilatçılığı ilə baş tutub. Burada iştirakçılar kənd təsərrüfatı sahəsində problemlərə innovativ həll ideyaları təqdim etməklə yarışıblar. Bitkilərin səmərəli yetişdirilməsi, inkişafı, suvarma sistemlərinin səmərəliliyinin artırılması və innovasiyanın kənd təsərrüfatının müxtəlif sahələrində tətbiqi istiqamətində ideyalar təqdim edilib. Həmçinin proqram müddətində iştirakçı komandalara İT, dizayn, biznes, innovasiya istiqamətlərində peşəkarlar tərəfindən mentorluq dəstəyi göstərilib.
“Ideathon”da 11 komanda iştirak edib. Müsabiqədə I yerə “EverGreen”, II yerə “AgroBot”, III yerə isə “FarmForwar” komandaları layiq görülüb. Qaliblər qiymətli hədiyyələrlə təltif ediliblər.
