Gəncəli şagirdlər beynəlxalq tədbirdə iştirak edəcəklər. Bu haqda 15 noyabr tarixində Regional Təhsil İdarəsinə istinadən məlumat veririk.
Elm və Təhsil Nazirliyinin dəstəyi ilə 4 - 8 dekabr 2023-cü il tarixlərində Bakı Ekspo Mərkəzində SAF 2023 keçiriləcək. Burada Nizami yurdu 6 komanda ilə təmsil olunacaq.
Festivalda “Engineers of Future” kateqoriyası üzrə "Magic city", “First LEGO Explore” kateqoriyası üzrə "Little Dragon", “VEX İQ” kateqoriyası üzrə "Develop", “Mechatronics” kateqoriyası üzrə "Galactic Power", “Wings and Wheels” kateqoriyası üzrə "Ultimate”, “H2 Grand Prix Pro” kateqoriyası üzrə "Zəfər", “İnnovative Exhibition” kateqoriyası üzrə "İnnovators" və
"Young Engineers " komandaları iştirak edəcəklər.
Komandaların üzvləri 17, 18, 39 nömrəli tam orta məktəblərin, 27 nömrəli məktəb-lisey, 4 nömrəli xarici dillər təmayüllü məktəb-lisey və Gəncə şəhər Fizika, riyaziyyat və informatika təmayüllü liseyin şagirdləridir.
Qeyd edək ki, festivalın keçirilməsində məqsəd STEAM əsaslı tədrisin təşviqi, təhsilalanlar arasında XXI əsr bacarıqlarının inkişaf etdirilməsi, yaradıcı, rəqəmsal texnologiya biliciləri olan şagird və tələbələrin aşkarlanması, şəbəkələşməsi, innovasiyalar və rəqəmsallaşma üzrə beynəlxalq təcrübənin öyrənilməsidir.
