Gəncədə AFFA-nın İcraiyyə Komitəsinin növbəti iclası keçirilib. Bu haqda 1 mart tarixində İcra Hakimiyyətinə istinadən xəbər veririk.
İclasdan əvvəl İcra Hakimiyyəti başçısının birinci müavini Səməd Tomuyev, Millət Vəkili Müşfiq Cəfərov, AFFA-nın Prezidenti Rövnəq Abdullayev və İcraiyyə Komitəsinin üzvləri “Kəpəz” Futbol Akedemiyasının yeni inşa edilən binasında olublar.
İclasda "Kəpəz" Futbol Akademiyasının tikinti ilə bağlı İcraiyyə Komitəsinə hesabat təqdim edilib. Müvafiq müraciətə əsasən, futbol veteranları İsmayıl Əliyevə, Esmiralda Ələkbərovaya (həkim), Qara Qarayevə, İqor Ponomaryova, Vaqif Sadıqova və Maşallah Əhmədova AFFA-nın təqaüdünün verilməsi qərara alınıb. Növbəti hesabat-seçki konfransının 2 aprel tarixində təyin edilməsi barədə qərar qəbul olunub.
Qeyd edək ki, iclasın sonunda AFFA-nın prezidenti Rövnəq Abdullayev öz istəyi ilə növbəti keçiriləcək hesabat-seçki konfransında namizədiyini irəli sürməyəcəyini bildirib.
