Gəncədə daha bir forum baş tutub. Bu haqda 20 dekabr tarixində Azərbaycan Dövlət Aqrar Universitetinə istinadən xəbər veririk.
Gəncə Dövlət Filarmoniyasında Azərbaycan Dövlət Aqrar Universiteti və Aqrar İnnovasiya Mərkəzinin birgə təşkilatçılığı ilə “Aqrar İnnovasiya və Startaplar” forumu keçirilib. Burada forumun keçirilməsi məqsədindən, aqrar startap ekosisteminin inkişafından və əhəmiyyətindən danışılıb.
Tədbirdə kənd təsərrüfatı naziri Məcnun Məmmədov, universitetin rektoru Zəfər Qurbanov, Niyazi Bayramov, Milli Məclisin İqtisadi siyasət, sənaye və sahibkarlıq komitəsinin sədri Tahir Mirkişili və Aqrar İnnovasiya Mərkəzinin direktoru Anar Cəfərov çıxış ediblər. Forumun sonunda ADAU və aqrar startaplar haqqında videoçarx nümayiş olunub.
