Gəncədə şahmat turniri baş tutub. Bu haqda 4 dekabr ADAU-ya istinadən xəbər veririk.
2 nömrəli Uşaq-Gənclər İdman-Şahmat məktəbində şahmat turniri keçirilib. Müsabiqə Azərbaycan Dövlət Aqrar Universitetinin 24 tələbəsi arasında təşkil olunub.
Turnir Tələbə Həmkarlar İttifaqı Komitəsinin nəzdində olan "İdman və oyun" klubunun təşkilatçılığı ilə baş tutub. Yarışda birinci yerə I kurs tələbəsi İradə Ramazanova layiq görülüb. O, Magistr Hazırlığı Mərkəzinin “Torpağın aqroekoloji qiymətləndirilməsi və tiplərə ayrılması” ixtisasının tələbəsidir.
Sonda qaliblər və fəal oyunçular sertifikatla mükafatlandırılıblar.
