Gəncədə bir qrup tələbə mükafatlandırılıb. Bu haqda 8 mart tarixində ADAU-ya istinadən məlumat veririk.
Azərbaycan Dövlət Aqrar Universitetində idmançı tələbələrlə görüş keçirilib. Buraya idman yarışlarında nailiyyətlər əldə edən bir qrup gənc qatılıb.
Ayrı-ayrı vaxtlarda tələbələr beynəlxalq arenada (ECC-Elit Combat Championship League) və Respublika çempionatında (Ölkə Çempionatı və 26 fevral Xocalı Soyqırımına həsr olunmuş yarış) müxtəlif dərəcələr əldə ediblər. ADAU-nun Tərbiyə işləri üzrə prorektoru Aidə Qasımova həmin gəncləri uğurları münasibətilə təbrik edərək, onları Fəxri Fərmanla mükafatlandırıb.
