Gəncədə tələbələrlə görüş təşkil olunub. Bu haqda 15 dekabr tarixində ADAU-ya istinadən xəbər veririk.
Azərbaycan Diplomatiya Akademiyasının bir qrup əməkdaşı Azərbaycan Dövlət Aqrar Universitetinin ingilis dilində təhsil alan tələbələri ilə görüşüblər. Burada ADAU tələbələri ADA-da yeni açılan Kənd təsərrüfatı və qida elmləri fakültəsi və qəbul proqramları barədə ətraflı məlumatlandırılıblar. Daha sonra tələbələr ADA Universitetində tədris olunan magistr proqramları ilə tanış olublar.
Görüşdə ADA Universitetinin Kənd təsərrüfatı və qida elmləri fakültəsinin dekanı Matteo Vittuari, fakültənin əməkdaşları - professor Saidə Əliyeva, Asəf Ömərov, Sahil Quliyev, Tələbə qəbulu şöbəsinin əməkdaşları Aytəkin Hüseynova və Səltənət Məmmədova iştirak ediblər.
