Azərbaycan Respublikası Gənclər və İdman Nazirliyinin, Azərbaycan Tələbə Gənclər Təşkilatları İttifaqının, Azərbaycan Dövlət Aqrar Universitetinin Tələbə Gənclər Təşkilatının təşkilatçılığı ilə yarış keçirilib. Bu haqda 4 aprel tarixində ADAU-ya istinadən xəbər veririk.
“FunniFy” proqramı çərçivəsində "Aqrar Gənclik - Qış Kuboku" adlı futbol turnirinin final oyunu baş tutub. Yekun görüş Aqronomluq və Zoomühəndislik fakültələri arasında Gəncə - AzFar stadionunda olub.
90 dəqiqə davam edən oyunun sonunda 3-2 (penalti seriyası) hesabla Zoomühəndislik fakültəsi "Aqrar Gənclik - Qış Kuboku" turnirinin qalibi olub. I yerə layiq görülən komanda kubok və medallarla, II yerə layiq görülən komanda isə medallarla təltif edilib.
