Gəncədəki universitetlərdən birinin rəhbərliyi Almaniyaya səfər edib. Bu haqda 12 mart tarixində ADAU-ya istinadən məlumat veririk.
Azərbaycan Dövlət Aqrar Universitetinin (ADAU) rektoru Zəfər Qurbanov Almaniyanın Vaynştefan-Trisdorf Tətbiqi Elmlər Universitetində olub. Burada rektorlar konfransı keçirilib. Tədbirə müxtəlif ölkələrdən 20-yə yaxın aqrar yönümlü universitetlərin rektorları qatılıblar. Yığıncaqda birgə elmi-tədqiqat, layihə, eyni zamanda ikili diplom proqramlarının həyata keçirilməsi ilə bağlı ilkin razılıq əldə olunub.
Qurbanov, həmçinin Almaniyanın Vaynştefan-Trisdorf Tətbiqi Elmlər Universitetində magistratura səviyyəsində təhsil alan ADAU məzunları ilə görüşüb. Tələbələrin suallarını cavablandırıb.
