Türkiyənin Ege Universiteti ilə Azərbaycan Dövlət Aqrar Universiteti arasında həyata keçirilən ikili diplom proqramı çərçivəsində Gəncədə görüş keçirilib. Bu haqda 9 aprel tarixində Azərbaycan Dövlət Aqrar Universitetinə istinadən xəbər veririk.
ADAU-da pedaqoji fəaliyyət üçün gələn Ege Universitetinin bir qrup professor-müəllim heyəti ilə görüş baş tutub. Görüşdə universitetin rektoru beynəlxalq ikili diplom proqramının davam etməsi ilə yanaşı, türkiyəli müəllimlər tərəfindən keçirilən təlim və seminarların da əhəmiyyətini diqqətə çatdırıb.
Daha sonra professor-müəllim heyətinin fikir və təklifləri dinlənilib. Görüşdən sonra Ege Universitetinin professor-müəllim heyəti üçün iftar süfrəsi açılıb.
