Gəncədə universitetlərdən birində tədbir keçirilib. Bu haqda 27 dekabr tarixində ADAU-ya istinadən məlumat veririk.
“Məzun forumu 2023: İnsan kapitalının formalaşmasında təhsilin rolu” forumu Azərbaycan Dövlət Aqrar Universitetində təşkil olunub. Burada rektor Zəfər Qurbanov tədbirin əhəmiyyətindən danışıb. O, universitet-sənaye və universitet-məzun kommunikasiyasının inkişafı, məzunlar və tələbələr arasında şəbəkələşmənin formalaşması üçün belə tədbirlərin olduqca faydalı platforma olduğunu bildirib.
Bundan başqa, Türkiyənin Gəncədəki Baş Konsulu Recep Öztop, Respublika Süni Mayalanma Mərkəzinin direktoru Elton Əbdurəhmanov və başqaları çıxış ediblər. Tədbirdə, həmçinin ADAU-nun tanıtım çarxı nümayiş olunub.
Daha sonra forum panel müzakirələrlə davam edib.
