Gəncədəki universitetlərin birində təlim baş tutub. Bu haqda 17 fevral tarixində ADAU-ya istinadən məlumat veririk.
“İlkin tibbi yardım” mövzusunda tədbir Azərbaycan Dövlət Aqrar Universitetində təşkil olunub. Təlim universitet əməkdaşları və tələbələri üçün keçirilib.
Burada Gəncə Beynəlxalq Xəstəxanasının Təcili tibbi yardım şöbəsinin həkimi Mehriban Qasımova zəruri hallarda ehtiyacı olanlara ilkin tibbi yardımların göstərilməsi ilə bağlı biliklərin təkmilləşdirilməsi istiqamətində məlumat verib. Həmçinin təlim iştirakçılarına aşağı və yuxarı hərarət, ağır təzyiq altında sıxılma, qanaxmanın dayandırılması, süni tənəffüs verilməsi, ürəyin qapalı masajı, yaralara sarğı qoyulması, ən qısa müddətdə zərərçəkmişin yaxınlıqdakı müalicə müəssisəsinə çatdırılması ilə bağlı əyani məlumatlar verilib.
Sonda iştirakçıların sualları cavablandırılıb.
