Gəncədə Azərbaycan Dövlət Aqrar Universitetində toplantı keçirilib. Bu haqda 9 fevral tarixində ADAU-ya istinadən xəbər veririk.
Görüş Erasmus+ proqramı çərçivəsində Avropanın müxtəlif ölkələrində bir semestr təhsil alacaq və təcrübə keçəcək bir qrup tələbə və onların valideynləri ilə təşkil olunub. Burada çıxış edən universitetin rektoru Zəfər Qurbanovun sözlərinə görə, cari ildə ADAU-nun 17 tələbəsi Erasmus+ proqramı çərçivəsində Avropanın müxtəlif ölkələrində təhsil almaq və təcrübə keçmək imkanı əldə edəcək.
Rektor əlavə edib ki, xaricdə təhsilin ən böyük üstünlüklərindən biri xarici dil biliklərini daha da təkmilləşdirməkdir. Daha sonra valideynlərin fikirləri dinlənilib, sualları cavablandırılıb.
