ADA Universitetinin Gəncədə nümayəndəliyinin açılması nəzərdə tutulub. Bu haqda 16 yanvar tarixində Kəpəz Televiziyasına istinadən xəbər veririk.
Şəhərimizdə Azərbaycan Diplomatik Akademiyasının filialının açılması planlaşdırılır. Burada ilkin olaraq, kənd təsərrüfatı, heyvandarlıq və qida sahələri üzrə tələbə qəbulu aparılacaq. Açılışın məqsədi aqrar sahə üzrə mütəxəssislərin hazırlanmasıdır.
Yeni filialda əvvəlcə bakalavr təhsili üzrə kadr hazırlığı aparılacaq. Gələcəkdə isə magistr tələbələri üçün də ixtisasların yaradılması nəzərdə tutulur. Müəllimlərin sözlərinə görə, yeni filialın açılışı həm də tələbələrin regionları görüb, aqrar sahəni daha yaxşı öyrənmələri üçün nəzərdə tutulub.
