Gəncədə bir sıra küçələrdə lüklər qapaqsız vəziyyətdədir. Bu haqda Gencexeber.az-a 25 avqust tarixində məlumat daxil olub.
Söhbət şəhərin bir neçə küçəsindən gedir. Mehdi Hüseynzadə, Zülfuqar Məmmədov, Məmməd Səid Ordubadi küçələrində, Agamirzə Əhmədov və İsrafil Məmmədov küçələrinin kəsişməsində lüklər qapaqsızdır. Həmçinin Muxtar Hacıyev, Səməd Vurğun və Mehdi Hüseynzadə küçələrində quyuların qapağı olmadığı üçün sakinlər xəbərdarlıq məqsədilə lüklərin içərisinə budaqlar, karton qutular və digər materiallar salıblar.
Adıçəkilən küçələrdə lüklərin qapaqsız olması sürücülər üçün çətinlik və təhlükə yaradır. Bəzi hallarda avtomobillərin təkərləri quyuya düşür.
[modula id="43340"]
