Gəncədə təhsil ocağında sərgi baş tutub. Bu haqda 1 mart tarixində Regional Təhsil İdarəsinə istinadən xəbər veririk.
“Peşə təmayüllü siniflərin təşkili” layihəsi çərçivəsində 8 nömrəli tam orta məktəbdə şagirdlərin əl işlərindən ibarət sərgi keçirilib. Burada X siniflərdə Dərzi köməkçisi və İnformasiya və kommunikasiya texnologiyaları (Help Desk - müştəriyə göstərilən texniki dəstək) ixtisasları üzrə icra olunan dərslər izlənilib.
Layihənin məqsədi ümumi orta təhsil bazasında təhsilalanların peşə təhsilinə hazırlanması, onların peşə ixtisaslarına aid səriştələrinin inkişaf etdirilməsi, peşələr üzrə ilkin bilik və bacarıqlara yiyələnməsi yolu ilə əmək bazarına hazırlanmasının təmin edilməsidir.
Qeyd edək ki, Regional Təhsil İdarəsinin müdiri Anar Qədiməliyev, idarənin əməkdaşları və məktəbin müəllim heyəti tərəfindən sərgiyə baxış keçirilib. 14 ümumtəhsil məktəbində 287 şagird layihəyə qoşulub.
